ගැටුමකින් තොරව ගැටළු විසඳීම (වීඩියෝ)

එදිනෙදා ජිවිතයේ ගැටළුවක් ඇතිවූ අවස්ථාවක අපහට එය විසඳීමට විවිධ මාර්ග තෝරාගත හැක.

  1. පරුෂ වචනයෙන් බැන ගැනීම (බහුතර ලාංකිකයින් ප්‍රිය කරයි ).
  2. පහරදීමක් සිදුකිරීම. 
  3. මෘදු වචන වලින් සාකච්චා කිරීම.
පහත වීඩියෝවෙන් දැක්වෙන්නේ තම වත්තට ඇතුළුවූ නිරුවත් මිනිසෙකු සමග නිවෙස් හිමියා සිදුකල සංවාදයකි. මෙය සත්‍ය සිදුවීමකි. 
--------------------------------------------------------
නිවෙස් හිමියා : ඇයි ? ( මෘදු ස්වරයෙන් )

නිරුවත් මිනිසා : ම්ම්.. සමාවෙන්න .. 

නිවෙස් හිමියා : මට ඔබට යම් උදව්වක් කල හැකිද ? 

නිරුවත් මිනිසා : ම්ම්.. ඔවු 


නිවෙස් හිමියා : මම කොහොමද ඔබට උදව් කල හැක්කේ ?

නිරුවත් මිනිසා : අ.. ඔබට තේරෙනවනෙ හ්හ්...

නිවෙස් හිමියා : ඔබට මෙහි ඉන්න බෑ , මේක පුද්ගලික ඉඩමක් ..

නිරුවත් මිනිසා : ආ.. එහෙමද ..

නිවෙස් හිමියා : මේ තත්වය දැන් මාව ටිකින් ටික අපහසුතාවයට පත්කරවනවා 

නිරුවත් මිනිසා : ම්ම්... ආ.. 

නිවෙස් හිමියා : මම දැන් දොර වහනව, මම ඔබ වෙත නපුරු වන්නට කැමති නෑ, මොකද මට පෙනෙනවා ඔබ සතුටින් සිටින බව, නමුත් අපද මෙහි සතුටින් සිටිනවා. අපගේ සතුටට බාදා කරන්න එපා. 

නිරුවත් මිනිසා : ම්ම් , හොඳයි .
---------------------------------------------------
නිරුවත් මිනිසා පිටව යයි. 






මෙම ක්‍රමය සෑම අවස්ථාවකටම උචිත බව මින් අදහස් නොවේ. 
නමුත් අප අවේගශීලි වන බොහෝ අවස්ථා ඊට වඩා සන්සුන්ව සාර්ථකව විසඳා ගැනුමට අවස්තාව පැවතිය හැක. 
එහි අවසන් ප්‍රතිපලය බොහෝවිට සමාන හෝ යහපත් එකක් විය හැක. 



ලංකාව තුල ලඟ තබාගත හැකි පිහිය

ගමනක් යනවිය  ආත්මාරක්ෂාව සඳහා පිහියක් ලඟ තබාගැනීමට ඔබද සිතා තිබිය හැක.

ශ්‍රී ලංකාව තුල පුද්ගලයෙකුට රැගෙනයා හැකි පිහියක් ලෙසින් සඳහන් වන්නේ අඟල් 2 ට අඩු තලයක් සහිත පිහියකි.



අඟල් දෙකක් යනු ගිනිකූරකට මඳක් වැඩි දිගකි. රුපය බලන්න.

තලය අඟල් දෙකට වැඩි නම් සහ එය ඇනීමට භාවිත කිරීමට හැකි යැයි උසාවියට හැඟී ගියහොත් ( රවුම් මොට තුඩක් සහිත තලයක් නොවේනම් ) එය තහනම් පිහියක් ලෙස වර්ග කර දඬුවම් ලබා දිය හැක.

කඩු කිනිසි හා ඒ ආකාරයේ ඕනෑම පිහියක් අනිවාර්යෙන්ම තහනම් පිහි ගණයට වටේ.

[ 5, 30 of 1949]
" prohibited knife" means any knife, whether a clasp knife or otherwise, the blade of which is more than  two inches in length, and is not so rounded or blunted at the point as to be incapable, in the opinion of the court, of being used as a stabbing instrument, and includes any sword, dagger, or similar weapon adapted for use as a stabbing instrument. 

තලය අඟල් දෙකට වැඩි වුවද , තලයේ හැඩය අනුව සහ ඔබගේ නීතිඥයාගේ දක්ෂතාවය අනුව , වරදෙන් ගැලවීමේ සම්භාවිතාවක් පවතී.













කෙසේ වෙතත් තහනම් ආකාරයේ පිහියක් උවද , නීත්‍යානුකූල වෘත්තීයක් සඳහා එය ඔබගේ වෘත්තීයට අදාලනම් ( උදා : කැටයම් ශිල්පියෙක් ) එය අවශ්‍යතාවයකට  රැගෙනයාම , ලඟතබා ගැනීමට නීතියෙන් අවසර ඇත.

Where the use of any instrument which is a prohibited knife within the meaning of this Ordinance is indispensable for the purpose of carrying on any lawful trade, craft, or pursuit, the carrying or wearing of such instrument by any person when actually engaged in any such trade, craft, or pursuit shall not be an offence under this Ordinance. 

තහනම් පිහියක් ලඟතබාගෙන වැරදිකරු උවහොත්, මාසයකට අඩු සිරදඬුවමක් හා රුපියක් 50 ක දඩයකට යටත් වේ

ref : http://citizenslanka.org/wp-content/uploads/2016/02/Dangerous-Knives-Ordinance-No-28-of-1906-E.pdf

ආනොල්ඩ් ස්වාසනේගර් හට වැදුනු පා පහර (වීඩියෝ)

71 ක් වයසැති ඇමරිකානු සුපිරි තරුව; ආනොල්ඩ් ස්වාසනේගර් දකුණු අප්‍රිකානු සංචාරයේදී ඊයේ  (2019 - 05 - 18 ) නොසිතූ අකරතැබ්බකට ලක්විය.

තමන්ගේ ජංගම දුරකථනය මගින් තරඟයක් වීඩියෝගත කරමින් සිටියදී, කොහේදෝ සිට ගුවනින් පැමිණි තරුණයෙකු  තම පා දෙකෙන්ම රෙස්ලින් ගනයේ පා පහරක් මෙම දැවැන්තයා හට එල්ල කළේය.




ආනොල්ඩ් එකවර තැතිගැන්මකට ලක්වුවද, ඔහුට කිසිඳු බරපතල හානියක් සිදු නොවුනි. වහා ක්‍රියාත්මක වූ ආරක්ෂකයින් පහරදුන් තැනැත්තා පාලනය කර රැගෙන යන ලදී. එහිදී ඔහු , "මට උදව් කරන්න , මට ලම්බෝගිනියක් අවශ්‍යයි /  "Help me! I need a Lamborghini!"" ලෙසින් කෑගසනු ඇසුනි.

පසුව ට්විටර් සටහනක් තබමින් ආනොල්ඩ් පවසා තිබුනේ , "මම හොඳින්, මා සිතුවේ මිනිසුන් තෙරපී මා තල්ලුවීමකට ලක්වුවා කියායි, මමත් පහරදෙනු දුටුවේ වීඩියෝවෙන්  " ලෙසිනි.





ඉන්දියානු කිනිස්ස කටාර්



14 වන ශතවර්ෂයේ දකුණු ඉන්දියාවේ නිෂ්පාදිත සුවිශේෂී ආයුධයකි. කටාර් kattar නමින් හඳුන්වයි.
ඇනීම සඳහාම නිපදවා ඇති මෙය කිනිස්සක් වුවද , සම්ප්‍රදායික කිනිස්සකට වඩා වෙනස් වන්නේ මෙහි සුවිශේෂී මිට කොටසහි නිමාව නිසාය.


භාවිතයේදී පිහියකින් අනින චලනය ලෙසින් නොව , අතින් පහර දෙන (punch) චලනයක් මගින් ඇනීම සිදුකරයි. මීට දෙපසින් පහලට දිගුවන යකඩ කොටස් දෙකක් මගින් සන්නද්ධ අතට අමතර ආරක්ෂාවක් ලබා දෙයි.





විවිධ කාල වකවානු වලදී මෙම ආයුධය විවිධාකාර නවීකරණයන් (තලයේ හැඩය, මිටෙහි හැඩය) යටතේ නිපදවා ඇත.











කටාර් කිනිස්සේ විවිධ විශේෂයන් අතර , තලය කතුරක ආකාරයට කට ඇරී ඇතුලත තවත් තලයක් පවතින නිර්මාණය සුවිශේෂී තැනක් ගනී. ශරීරයට ඇනීමෙන් පසුව , තුවාලය දෙපසට ඇද ඉරාදමන ලිවර ක්‍රමයකින් මෙය සමන්විතය.
මෙම ඇතුලත තලය සහ කුටීරය විෂ පොවා පැවතී බවද සඳහන් වේ.




වර්තමානයේ නිෂ්පාදනය වන Push Dagger ද භාවිතයේදී මෙම චලන රටාවම අනුගමනය කරයි.






ඔබ මගේ බිරිඳ දෙස බැලුවේ ඇයි,

හැඟීම් පාළනය කර ගැනීම (emotion control) එදිනෙදා ජිවිතයට ඉතා වැදගත් කාරනාවක්.

පහත වීඩියෝවේ දැක්වෙන්නේ බාසිලෝනා හි සිදුවූ සිද්ධියක්.

මෙහි සිටින සියලු පිරිමින් ආරක්ෂක අංශ වලට සම්භන්ද නිලධාරින් බව සඳහන්, ගැටුම ආරම්භයට හේතුව ලෙස සඳහන් වන්නේ "පිරිසක් විසින් නිලධාරියෙකුගේ බිරිඳ දෙස බැලීම " ලෙසයි.

 

සිදුවීම් වලට අනවශ්‍ය ආකාරයට ප්‍රතිචාර දැක්වීමට යාම (over react) / ක්ෂණික හැඟීම් වලට වහල් වී , බුද්ධියෙන් තොරව කටයුතු කිරීම, වැනි කාරනා කීපයක් නිසා අවසානයේ පුද්ගලයින් රැසකට බරපතල හානි සිදුවිය.

නොදන්නා අයෙකු ඉදිරියේ ආයුධයක් අතට ගැනීම හෝ සටනකට පිවිසීමේදී , ඔවුන්ගෙන් එල්ලවිය හැකි අනපේක්ෂිත ප්‍රතිචාර බාරගනිමටද සුදානම්ව සිටින්න.

මන්ද ඔබ අභියෝග කරන ප්‍රතිවාදියා ඔබටත් වඩා කේන්තිකාරයෙකු , ඔබට වඩා සන්නද්ධ අයෙකු , මානසික රෝගීයෙකු හෝ ඔබටත් වඩා මෝඩයෙකු විය හැකි බැවිනි.

බොක්සිං වලල්ලේ සදා දිදුලන තරුව - අලී


1942, ඇමරිකාවේ කෙන්ටර්කි (Kentucky) දී උපන් මාකස් ක්ලේ (Cassius Marcellus Clay) වයස 12  දී තම බයිසිකලය සොරාගැනීම ගැන පැමිණිලි කිරීමට  පොලිස් නිලධාරියෙක්  හමුවනවා. 
පොලිස්  නිලධාරියෙක්  මෙන්ම බොක්සිං පුහුණුකරුවෙක්ද වන ජෝ (Joe E. Martin) කුඩා ක්ලේ හට බොක්සිං  ඉගෙනීමට ආරාධනා කරන්නේ බයිසිකල් හොරාට පහරදීමේ හොඳම ක්‍රමය එය බව පවසමින්.

1960 දී ඔලිම්පික් පදක්කමක් දිනූ ක්ලේ 1964 දී  ලෝක ශූර Sonny Liston පරාජය කරමින් ලෝක ශුර කිරුල තමන් සතු කර ගන්නව. 


 1964  දී ක්ලේ ඉස්ලාම් ආගම වැළඳගන්නේ නම මොහොමඩ් අලී ලෙස වෙනස් කරගනිමින්. මෙයට කළු ජාතිකයෙකු වශයෙන් අලී මුහුණදුන් අමිහිරි අත්දැකීම් හේතුවුන බව පැවසෙනව.

බොක්සිං තාක්ෂණික ශිල්ප අතින් අලී ව සැලකෙන්නේ සීමාවෙන් එපිට සටන් කරුවෙක් ලෙසයි ( outside fighter ) ඒ අලී සැමවිටම ප්‍රතිවාදියාගේ පහර දීමේ සීමාවෙන් එපිට පරතරයක් රඳවාගෙන ක්‍රීඩා කිරීමයි. පහරදීමට ආවශ්‍ය වූ විට ක්ෂණිකව සිමාව තුලට පැමිණ පහරදී , ඔහුගේ සුවිශේෂ පහර මගහැරීම් සමග නැවත සීමාවෙන් පිටතට යාම සිදුකරනවා.

සැහැල්ලු වේගවත් පහරදීම් හා ඔහුටම අවේනික පාද චලන නිසා අලී ප්‍රතිවාදීන් හට අදෘශ්‍යමාන සටන්කරුවෙක්.

පහත වීඩියෝවෙන් පෙන්වන්නේ අලී තත්පර 10 දී ඔහු වෙත එල්ලවන පහර 21 ක් මගහරින අවස්ථාවක්.


 ආගමික මතවාද නිසා 1967 දී හමුදා පුහුණුවට යාම ප්‍රතික්ෂේප කරන අලී ,ඒ හේතුවෙන් තම බොක්සිං බලපත්‍රය අහිමිකර ගන්නව. මේ නිසා අලී ට වසර 4 ක් බොක්සිං වලින් ඉවත්ව සිටීමට සිදුවනව.

 1971 දී Joe Frazier හමුවේ බොක්සිං  කිරුල අහිමිකරගන්නා අලී 1974 දී නැවත කිරුල දිනාගැනීමට සමත් වෙනවා. 

සටන් වළල්ල තුල අලි පරාජය වී ඇත්තේ 5 වරක් පමණක් මෙන්ම එයින් ප්‍රතිවාදීන් 4 දෙනෙකු සමග නැවත සටන් කර ( rematch) ජයග්‍රහණය කර තිබීම විශේෂත්වයක්. 

2016 ජුනි මාසයේදී අලී ලොවින් සමුගන්නව.


ප්‍රධාන දාරාවේ කරාටේ වර්ග

ජපානය , ඔකිනාවා ආශ්‍රිතව බිහිවූ කරාටේ ශයිලින් ප්‍රභේද රැසකි.

පැරණිතම සහ ප්‍රධාන ධාරාවේ කරාටේ ශයිලින් ලෙස ශෝටෝකාන් (Shotokan) , වදෝ රියු (Wado-ryu) , ශිටෝ රියු (Shito-ryu) සහ ගොජු රියු ( Goju-ryu) හැඳින්විය හැක.



මීට අමතරව 1964 දී බිහිවූ කියෝකුෂින් කරාටේ (Kyokushin) ද අද වන විට ලෝකයේ ඉතා ජනප්‍රිය කරාටේ ශයිලියක් ලෙස නම්කළ හැක.


ශෝටෝකාන් (Shotokan): පළල් ව තබන පාද චලන සහ ජව සම්පන්න දිගු පහරදීම් වලින් යුක්තය.

වදෝ රියු (Wado-ryu) : කෙටි පාද චලන සහ පහර වැලැක්වීමට එයින් ඉවත්වීමේ වේගවත් චලන රටා පුහුණු වේ .

ශිටෝ රියු (Shito-ryu) : සාපේක්ෂව කෙටි පාද චලන සහ ජවයට වඩා වේගයට ප්‍රමුඛතාව ලබාදෙන ශිල්ප වලින් යුක්තය.

ගොජු රියු ( Goju-ryu) : පොරබදිමේ ක්‍රම හා කෙටි දුර සිට කරන (close-range) පහරදීම් පුහුණු වේ.

කියෝකුෂින් කරාටේ (Kyokushin) : වඩාත් ජව සම්පන්න, වැරෙන් එල්ලකරන පහරදීම් වලට විශේෂතාවක් දක්වයි.

මෙම ශයිලින් විවිධ ගුරුකුල ඔස්සේ බෙදී, විවිධ මුලධර්ම වලට ප්‍රමුකතාව දෙමින්, උප ශයිලින් සිය ගණනක් ලෙස අද වන විට දැකගත හැක.

පහත වීඩියෝවෙන් Bassai Dai කාටා පුහුණුව ප්‍රභේධ 3 කින් සිදුකරන අකාරය පෙන්වා දෙයි.


ඉදිරි ලිපියකින් මෙම ශයිලින් ගැන වෙන වෙනම විස්තරාත්මක ලිපි පලකිරීමට බලාපොරොත්තු වෙමි.

යුද්ධයටත් තහනම් කිනිස්ස

ජැඩ්කොමාන්ඩෝ (Jagdkommando Tri-dagger) හෙවත් සයික්ලෝන් කිනිස්ස මෑතකාලීනව නිපදවූ  සුවිශේෂී හැඩයකින් යුක්ත ආයුධයකි. 

මෙමගින් ඇනීමක් සිදුකල විට එම තුවාලය ශල්‍ය වෛද්‍ය වරයෙකුට වුවද මැහුම් දැමීම මගින වැසිය නොහැකි බව පැවසේ, ඒ අවසාන තුවාලයේ කැපුම් විශාල ගණනක් ඇති වන නිසා ය. 



ජිනීවා සමුළුවේදී මෙම කිනිස්ස යුධ පිටියේ බාවිතා නොකිරීමට එම සමුළුවට සහභාගී වූ රටවල් එකඟවී ඇත. ඊට හේතුව ලෙස දක්වා ඇත්තේ මෙමගින් ඇති කරන තුවාල වල අමානුෂික ස්වරූපය සහ ඇතිවන තුවාලය  සුවකිරීමට අපහසු නිසා බොහෝ දෙනා පසුව වෙනත් ආසාදන මගින් මියයාමයි. 

$70 (රු 12 000 ) සිට $1200 ( රු 100 000 ) පමණ දක්වා මිල පරාසයක මෙම කිනිස්ස මිලදී ගැනීමට ඇත.

පහත වීඩියෝවල මෙම කිනිස්සේ වැඩිදුර විස්තර පවතී.







බොහෝ රටවල තහනම් සමනල පිහිය ගැන පෙර ලිපිය මෙතනින් : https://martialarts-sinhala.blogspot.com/2017/03/blog-post_21.html




පුරාණ ලංකාවේ නිපදවූ දමස්කස් කඩුව

පුරාණ ලංකාවේ යපස් තාක්ෂණයේ දියුණුව ලොවට පෙන්වූ දමස්කස් කඩුව අදටත් මුළු ලොවටම මවිතයකි.

ක්‍රි.පූ 300 දී පමණ ලංකාවේ නිෂ්පදිතව , අරාබි වෙළෙඳුන් විසින් දමස්කස් වෙළඳපොලේ විකිණූ මෙම  ආයුධ වඩාත් ප්‍රචලිත වූයේ ඒවා වල පවති අසමසම ශක්තිය හා තියුණු මුවහත නිසාය.

මෙම ලෝහයේ බාහිර පෙනුමේ  අනන්‍යතාවය ලෙස,  අහඹු ලෙස ජලය ගලායන විට ඇතිවන රටාවකට සමාන අයුරින් මතුපිට රටා ඇඳී තිබීම පවතී.









මෙම වෙළඳුන් සමග මෙම ආයුධ තැනීමේ තාක්ෂනය ද දමස්කස් වෙත පැමිණ ඇති අතර ඇතැම් ආයුධ දමස්කස් හිම පසුකාලීනව නිපදවා ඇත.

ක්‍රි.ව 1750 දී පමණ මෙම ලෝහය නිපදවීමේ තාක්ෂනය ලෝකයෙන් සම්පුර්ණයෙන්ම අතුරුදහන්ව ඇති අතර අදටද මුල් ලෝහයට සමාන ලෝහයක් නිපදවීමට කිසිවෙකු සමත් ව නැත.

සංයුතිය අතින් මෙම ලෝහයේ අතිශ්‍ය පිරිපහදු කල ලෝහ /  cementite nanowires සහ carbon nanotubes මිශ්‍රණයක්  හැඩ තැලීමකට ලක්කර නිපදවා ඇති බව හඳුනාගෙන ඇත.

මෙම දමස්කස් කදු ආශ්‍රිතව ප්‍රවාද රැසක් පවතී,

  • මේ මතට වැටෙනා කෙස් ගසක් කැපී යන බව...
  • මුවහතට හානි නොවී කළුගලක් කපා දැමීමට උවද හැකි බව... 


ප්‍රංශ සහ එංගලන්ත හමුදාවලට කුරුස යුද්ධයේදී දමස්කස් අවි වලට මුහුණදීමට සිදුවූ අතර , නයිට් වරුන්ගේ කඩු දමස්කස් කදු වලින් කැපී වෙන්ව ගිය බව ඉතිහාසයේ සඳහන් ය.

වර්තමානයේ ඔබට දමස්කස් පිහියක්  Damascus Knife මිලදී ගැනීමට සෙවුවහොත් අන්තර්ජාලයේ ඇති තරම් දේ සොයා ගත හැක , නමුත් ඒවා ලෝහ කීපයක් මිශ්‍රකර හැඩ තැලීමකට ලක්කර නිපදවා ඇති , මතුපිට පෙනුම පුරාණ දමස්කස් ලෝහයේ රටාවට සමානව නිපදවා ඇති ආයුධ මිස පුරාණයේ නිපදවූ ඒ අසමසම ආයුධය නොවන බව මතක තබා ගන්න.


හිසට එල්ල කරන එක් පහරක බලපෑම




බොහෝ සුළු ආරවුල් වලදී ගැටුම ආරම්භ වනුයේ හිස පෙදෙසට එල්ල කරන අත් පහරක් (punch to the head) මගිනි.නමුත් හිසට එල්ල කරන එකම එක අත් පහරක් මගින් මරණය සිදුවිය හැකි ද ?

පිළිතුර ඔව් , 2007 සිට මේ දක්වා සිදුවූ සුළු පෞද්ගලික ගැටුම් වලදී  එක අත් පහරක් මගින් සිදුවූ මරණ (one punch deaths) 80 කට වැඩි ප්‍රමාණයක් පිලිබඳ නිළ වාර්තා ඇත.







මෙම මරණයන් ප්‍රධාන ආකාර 3 කින් සිදුවී ඇත .

1) මොලයේ රුධිර නාල හානිවී  අභ්‍යන්තර රුධිර වහනයක් සිදුවී මරණය සිදුවීම
2) සිහිමුර්ජා වී හුස්ම ගැනීම අවහිරවීම නිසා සිදුවන මරණ
3) පහරදීම නිසා හිස වෙනත් මාද්‍යක වැදීමෙන් වන හානියෙන් සිදුවූ මරණ

වාර්තා වන පරිදි ඇති බහුතර සිදුවීම් වල පහර දීමේ චේතනාව පුද්ගලයා මරණයට පත්කිරීම නොව රිදවීමක් සිදුකිරීම පමණක් වුවද බොහෝ දෙනාට මිනි මැරුම් චෝදනා යටතේ නීතිය හමුවේ වරදකරුවන් වීමට සිදුව ඇත.

මතක තබා ගන්න , ඔබේ මුළු ජීවන රිද්මයම උඩුයටිකුරු කිරීමට ඔබ දුරදිග නොබලා සිදුකරන එකම ඒක punch එකක් ප්‍රමාණවත් විය හැකි බව.

අප මොලය කෙතරම් සංවේදී , මෘදු අවයවයක්දැයි දැනගැනීමට පහල වීඩියෝව බලන්න.


සිර කිරීමක් හෝ අල්ලාගැනීමකදී


සිර කිරීමක් හෝ අල්ලාගැනීමකදී වර්ගීකරණ ගණනාවක් පවතින අතර ඒවායින් ගැලවීමේ උපක්‍රම රාශියක් පවතී. 

මෙම ලිපියේදී සලකාබලනුයේ සිරකිරීමට ලක්වන පුද්ගලයාගේ දෑත නිදහස්ව පවතින අවස්ථා පමණි.  

ප්‍රතිවාදියෙකු විසින් සිර කිරීමක් හෝ අල්ලාගැනීමක් සිදුකල විට, අගතියට පත් පුද්ගලයා (නුපුහුණු අයෙකු ) විසින් තැතිගැන්ම සමග සිදුකරන සොබාවික ප්‍රතික්‍රියාව සිරකිරීම සිදුකරන ප්‍රතිවාදියාගේ අතින් අල්ලා ඇද, සිරවීමෙන් ගැලවීමට උත්සහ කිරීමයි.

උදා 01 ) 

පහත රූපය දෙස බලන්න.


මෙවන් අවස්ථාවක බොහෝවිට සිදුකරනුයේ රූපයහි පරිදි ප්‍රතිවාදියාගේ අතින් ඇද ගැලවීමට උත්සහ කිරීමයි.

 උදා 02 )

පහත රූපය දෙස බලන්න. 


 මෙම අවස්ථාවේදී ද සිරවීමට ලක්වන කාන්තාවගේ දෑත නිදහස්ව පවතී.

මෙවන් අවස්ථාවක ප්‍රතිවාදියා ශක්තිමත් පුද්ගලයෙකු නම් ගැලවීම අපහසුය, 

පුහුණු නොපුහුණු ඕනෑම අයෙකුට තාක්ෂණික ශිල්පයක් ලෙස මෙවන් අවස්ථාවකදී ප්‍රතිවාදියාගේ සුළැඟිල්ල ප්‍රතිවිරුද්ධ දිශාවට නැමීම මගින් පහසුවෙන් අල්ලාසිටින අතින් මිදීම සිදුකල හැක. 

මෙහිදී තම අත්හි ඇඟිලි ප්‍රතිවාදියාගේ සුලන්ගිල්ල යටින් දමා මුළු අතින්ම සම්පුර්ණ බලය යොදා සුලැඟිල්ල නැමීම සිදුකල යුතුය, 


ක්ෂණිකව සිදුකරන නැමීම මගින් අස්ථි බිඳීමක් සිදුවී ප්‍රතිවාදියාට අධික වේදනාවක් සහිතව අල්ලාගැනීමෙන් මිදිය හැක. 

 

හොඳට නරකට හේතුවන ඇදීමේ ව්‍යායාම

නම්‍යශීලීත්වය වැඩිකරගැනීම සඳහා බොහෝදෙනා පේශි ඇදීමේ ව්‍යායාම සිදුකලද, නිසි අවභෝධයකින් තොරව සිදුකරන ඇදීමේ ව්‍යායාම සදාකාලික අබාධ ඇතිකළ හැක.
  • ඇදිමේ ව්‍යායාම සිදු කිරීමේදී තවත් පාර්ශ්වයක ගෙන් අමතර බලයක් යොදා ගැනීමට වඩාත් හානිකර විය හැක.













ව්‍යායාම වලදී ඇදීමට ලක්වන ප්‍රධාන කොටස් 3 කි, ඒවා නම් ligaments, tendons සහ පේශි වේ.
tendons - පේශිය හා අස්ථිය සම්බන්ධ කරන බන්ධනය
ligaments - අස්ථියක් තවත් අස්තියකට සම්බන්ද කරන බන්ධනය


අමතර ඇදීමකට ලක්වූ විට පේශි ඉක්මනින් සුවවන අතර ligaments, tendons සුවවීමට බොහෝ කාලයක් ගතවේ. එමනිසා ව්‍යයාමය තුල ligaments, tendons ඇදීමට ලක්කිරීම අවම කල යුතුය.

" ~ as flexibility increases, stability decreases ~ "  

පහතින් සඳහන් කර ඇත්තේ වඩාත් සැලකිලිමත්ව සිදුකලයුතු ව්‍යායාම කිහිපයකි.

1) පාද කෙලින් තබාගෙන කෙළින් තබා ගෙන කකුලේ ඇඟිලි ඇල්ලීම


බොහෝ දෙනා සිදුකරන නමුත්ඉ තාමත් ප්‍රවේශමෙන් ක්‍රමානුකූලව කළ යුතු ව්‍යායාමයක් වන අතර වැඩි බලයක් යොදා සිදුකිරීම මගින් දනහිසේ එහි ඇති ligaments පසුපසට ඇදීමකට ලක් වීම මගින් කොන්දෙහි Disks අස්ථානගත වීමකට ලක් විය හැකි ය .
ඉතාමත් සන්සුන්ව ක්‍රමානුකූලව සිදු කිරීමෙන් කිරිමෙන් සිදුවන හානි වලක්වා ගත හැක .







2) කඩුළු පනින්නාගේ ඇදීම





රූපයේ පරිදි දැක්වෙන පරිදි මෙම ව්‍යායාමයේදී පිටුපසට නමා ඇති කකුලෙහි දණහිස ආශ්‍රිත ligaments, tendons විරුද්ධ දිශාවකට ඇදීමට ලක් විය හැක . ආබාධ ඇතිකරවිය ඇති කරවිය හැකි ව්‍යායාමයකි .




3) උඩු කය දෙපසට කැරකවීම


පහසුවෙන්ව සිදුකල හැකි නිසා වේගයෙන් කරකැවීම මගින් අමතර ඇදීමකට ලක්වීම සිදුවිය හැක.

ක්‍රමානුකූලව සහ සෙමින් සිදු කළ කලයුතු ව්‍යායාමයක් වන අතර අධික වේගයක් හෝ අමතර බලයක් සමග මෙම ව්‍යායාමය ව්‍යායාමය සිදු කිරීමෙන් කොඳු නාරටියේ ඇදීම් වලට ලක් විය හැක



4) පිටුපසට නැමීම හෙවත් දුන්න බෑම

කොඳු නාරටියට බලපෑමක් ඇති කළ හැකි විය මෙම ව්‍යායාමය නිසි ලෙස සිදු නොකිරීම මගින් කොන්දේ Disks අස්ථානගත වීමකට ලක් විය හැක. ස්නායු වලට අනවශ්‍ය පීඩනයක් ඇති කරයි
නිසි පුහුණුවක් යටතේ ඉතාමත් සන්සුන්ව හා ක්‍රමානුකූල ව පමණක් පුහුණු කළ යුතු ව්‍යායාමයකි.


5) යෝග හලාසන.



යෝග පුහුණු වන්නන්ගේ ආසනයක් උවද වර්තමානයේ වෙනත් ක්‍රීඩා පුහුණුකරුවන්ද සිසුන්ව මෙම ඉරියව්වට යොමුකරයි. ඉතා ක්‍රමානුකුලව කලයුතු ව්‍යායාමයක් වන මෙහිදී වැරදි ලෙස බලය යෙදවීම මගින්, ගෙල හා කොන්ද ආශ්‍රිත ආබාධ ඇතිකරවිය හැක.



ලේ සිරකිරීම හා වායුව සිරකිරීම


















 සටන් කලාවන් තුල ගෙල සිරකිරීමේ තාක්ෂණික ක්‍රම රාශියක් පවතී.
මෙම ක්‍රම ප්‍රධාන කොටස් දෙකකි , එනම් ලේ සිරකිරීම (Blood choke) හා වායුව සිරකිරීම (Air Choke) ලෙසිනි.

පහත පැහැදිලිකිරිම  දැනුම පිණිස පමණක් ම මිස, ගුරුවරයෙකු යටතේ නිසි පුහුණුවකින් තොරව අත්හදාබැලීම පසුතවීම් වලට හේතු විය හැක.

 ලේ සිරකිරීම (Blood choke)

රූපයේ දක්වා ඇති ආකාරයට ස්වාසනාලය දෙපසින් මොලය දෙසට රුධිරය රැගෙනයන ස්වාපක ධමනිය (carotid artery) අවහිරකිරීම මෙහිදී සිදුවේ.  සිරවීමට ලක්වන දිශාව ඊතල මගින් දක්වා ඇති පරිදි වේ.

බොහෝදෙනා මෙහි බලපෑම විස්තර කරනාවිට පවසන්නේ මොලයට යන රුධිරය අඩුවීම නිසා මොලය අකර්මන්‍ය තත්වයට පත්වන බවය, එය යම් ආකාරයකට නිවැරදි වුවද සැබවින්ම සිදුවන්නේ මෙම රුධිරනාල ආශ්‍රිත සංවේදක මගින් අඩු රුධිර තත්වයක් පෙන්වීම නිසා මොළයේ ඇති රුධිරය පහල කොටසේ ශරීරයට මුදාහැරීමය.

මෙය ක්ෂණික සිහිමුර්ජා තත්වයක් ඇති කරවයි. සාමාන්‍යයෙන් තත්පර 5 - 7 ක් අතර කාලයකදී සිහිමුර්ජා කරවීමට සමත් ය, නැවත තත්පර 10 - 20 ක් අතර ප්‍රකෘති තත්වයට පත්වේ.
නමුත් වැරදි ආකාරයට යෙදවීම , සිහිමුර්ජාවීමෙන් අනතුරුවද සිරකර තබාගැනීම හෝ අධික බලයක් යෙදීම නිසා ස්වසන මාර්ගය අවහිරවීම/හානිවීම මාරාන්තික විය හැක.

පහත රූපයෙන් දැක්වෙන්නේ ජනප්‍රිය ලේ සිරකිරීමේ ශිල්ප ක්‍රමයකි.



















වායුව සිරකිරීම (Air Choke) 












ශ්වාසනාලය (trachea) ට ඉදිරි පස සිට ඇතුලට ආනතියකින් තොරව බලය යෙදවීම මගින් පෙනහළු වලට සැපයෙන වායුව අවහිරකිරීම සිදුකරයි, සිහිමුර්ජා තත්වයට පත්වීමට විනාඩියකට වැඩි කාලයක් ගතවේ. තත්පර 30 කින් පමණ ප්‍රකෘති තත්වය අත්කර ගනී.

ප්‍රතිවාදියාට වඩාත් වේදනාකාරී ය.

දිගු කාලයක් බලය යෙදවීම හෝ අවශ්‍ය ප්‍රමාණයට වඩා වැඩි බලයක් යෙදවීම ස්වරාලයට හෝ ගෙලෙහි වෛයාහ ඇටය (hyoid bone) හානිවීම නිසා දිර්ගකාලීන අබාධ හෝ මරණය සිදුවිය හැක.


පහත රූපයෙන් දැක්වෙන්නේ වායුව සිරකිරීමේ ශිල්ප ක්‍රමයකි. යටි බාහුව මගින් ප්‍රතිවාදිගේ ශ්වාසනාලය ඇතුලට තෙරපීම සිදුකරයි.














ඉහත පැහැදිලිකිරිම  දැනුම පිණිස පමණක් ම මිස, ගුරුවරයෙකු යටතේ නිසි පුහුණුවකින් තොරව අත්හදාබැලීම පසුතවීම් වලට හේතු විය හැක.

පිරිසක් සමග ගැටුම හෙවත් කල්ලි සටන්



එක් අයෙකුට වඩා වැඩි පිරිසක් සමගසටන් කිරීම මෙම ගණයට වැටේ.










කල්ලියක් තුල හැසිරීමේදී පුද්ගලයෙකුගේ ප්‍රචණ්ඩකාරීත්වය වැඩිවන බව මනෝවිද්‍යාත්මක පර්යේෂණ මගින් තහවුරු කර ඇත, ඒ හානියේ වගකීම පිරිසක් අතර බෙදී ඇති බැවින් තනි පුද්ගලයා කරන ක්‍රියාවල වගකීම අඩු වන බැවිනි.


නිසි ස්ථානගතවීම

පිරිස මැදට යෑම හෝ පිරිසට තමන් වටකර ගැනීමට ඉඩ නොදිය යුතුය.

සෑමවිටම ප්‍රතිවාදීන් සියල්ලන් තමන්ට දර්ශනය වනලෙස ස්ථානගත විය යුතුය. පිරිස මැදට යෑමෙන් තමන් නොදකින පහරකෑම් වලට ලක්වීමට සිදුවන අතර ඒවායින් සිදුවන හානිය අධිකය.

සෑමවිටම ඔබට ආසන්නතම පුද්ගලයාගෙන් අනෙක් පිරිස ආවරණය වන පරිදි වක්‍ර චලන වල යෙදෙන්න.

පහත උදාහරණයේ x සමග වාදයක් පවතිනවිට y ද ඉදිරියට එයිනම් , ඒ හා සමගම ඔබ y ගෙන් අනෙක් පිරිස ආවරණය වන පරිදි වක්‍රාකාර චලනයකින් 3 අවස්ථාවට ස්ථානගත විය යුතුය.මෙම චලනය අතරතුර ආසන්නතම පුද්ගලයාට පහරදීම සිදුකල හැක.












පහත වීඩියෝව මේ සඳහා කදිම උදාහරණයකි. 1.15 මිනිත්තුවේ කලුජාතිකයා සමබරතාව ගිලිහී ඇදවැටෙන තුරු ඔහු නිවැරදිව ස්ථානගතවී පහරදීම සිදුකරයි. ඇදවැටුණු පසු ඔහුව වටකර පහරදීමකට ලක්වේ.




Saneth Rajinda Marthos විසින් මේ හා සමාන අපූරු ඉගැන්වීමක් පහත වීඩියෝවෙන් දැක්වේ.


අවධානය

එක් අයෙකු කෙරෙහි අවධානය තබාගෙන නොසිටින්න,

බොහෝවිට වාදයකට පැටලුන විට වාද කරන පුද්ගලයා කෙරෙහි පමණක් අවධානය රැඳීම සිදුවේ. ඔහුගේ සගයන් තම දර්ශනපථයේ තබාගැනීම අමතක වේ. ප්‍රතිවාදී පිරිස වැඩි නම් ඔවුන් සැම දෙනා කෙරෙහි යම් අවධානයක් තබා ගත යුතුය.


ඉවත්වීම 

කිසිවිටෙක ප්‍රතිවාදියාට පසුපස හරවා ඉවත්වීම නොකළ යුතුය, ආරක්‍ෂිත දුරකට යනතෙක්ඔබ දෑස ඔවුන් කෙරෙන් ඉවත් කර නොගන්න.

පහත වීඩියෝවේ පුද්ගලයා පිරිසට පිටුනොපා පහර දෙමින් ඉවත්වන අයුරු පෙන්නුම් කරයි.


සටන් කලාවේ නැටුම හෙවත් කාටා



කරාටේහිදී කාටා (kata) ලෙසත් , ටයිකොන්ඩෝ පුම්සේ (poomse)  ලෙසත් , වුෂූ ටාලු (taolu) ලෙසත් විවිධ ශෛලීන් හිදී වෙනත් නම් වලිනුත් හඳුන්වන මෙහිදී කලින් අනුමත කල චලනයන් , අනුමත පිළිවෙලකට සිදුකරනු ලබයි.

ශිල්පයන්හි භාවිතය පිලිබඳ නිසි අවබෝදයක් නොමැති අයෙකුට මෙය නැටුමක් හෝ විකාරයක් ලෙස පෙනිය හැක. නමුත් සාම්ප්‍රදායික සටන් කලාවෙහි ආත්මය ලෙසින් සැළකිය හැක.


සාම්ප්‍රදායික සටන් කලාවන් තුල මෙම කාටා ඉගැන්වීමේ අනුපිල්වෙලක් පවතී. ආධුනික සිට ජේෂ්ඨයින් දක්කවා කාටා වල  සංකීරණ තාව වැඩිවන ලෙසින් පවතී.

කිසියම් ශිල්පයක් (technique) සිදුකිරීමේදී එයට සම්පූර්ණ අවධානය යොමා එය දියුණු කර ගැනීම, හුස්ම පාලනය , සමබරතාව රැකගැනීම හා මානසික ඒකාග්‍රතාව පුහුණුව වැනි ඉතා වැදගත් අංග ප්‍රගුණකිරීම නිවැරදි කාටා පුහුණුවක් තුලින් අත්කරගත හැක.

සටන් කළා වල බොහෝ මාරාන්තික පහරදීමේ රහස් ක්‍රමවේද මෙම චලනයන් තුල අඩංගු කර තිබුනද තම හොඳම ගෝලයන්හට පමණක් ඒවා පැහැදිලි කරදීම ගුරුවරුන් සිදුකර ඇත.


පහත වීඩියෝවෙන් දැක්වෙන්නේ සුප්‍රසිද්ධ නළු ජෙටලී වුෂූ ටාලුවක් සිදුකරන අවස්තාවකි.



පහත වීඩියෝවෙන් දැක්වෙන්නේ කරාටේ කාටා ශිල්ප කීපයක ප්‍රායෝගික භාවිතාව පැහැදිලි කිරීමකි.



කාටා තුල ඇති චලන වල අර්ථය පිලිබඳ පැහැදිලි අවභෝධයක් පැවතීම නිවැරදි සාම්ප්‍රදායික සටන් ගුරුවරයෙකු හඳුනාගත හැකි ලක්ෂණයකි.

පහත වීඩියෝවෙන් දැක්වෙන්නේ ටයිකොන්ඩෝ පුම්සේ ශිල්ප කීපයක ප්‍රායෝගික භාවිතාව පැහැදිලි කිරීමකි.